FM – სისტემები

FM – სისტემები და სტაციონარული ხმისგამაძლიერებელი მოწყობილობა

ბუნებრივ პირობებში საუბრის აღქმა ხშირად ხდება მანძილის, სხვადასხვა ხმაურის ფონზე (გარშემომყოფი ხალხის საუბარი, ქუჩის ხმაური, სხვადასხვა მოწყობილობის ხმაური, ქარი, ნაბიჯები და მრავალი სხვა), შენობების რევერბერაციის ფონზე. ყველა ეს ფაქტორი ნორმალური სმენის მქონე ადამიანის საუბრის აღქმასაც კი აუარესებს. თუმცა სმენის დაზიანების მქონე პაციენტებთან, მათ შორის, პაციენტებთან სასმენი აპარატით და კოხლეარული იმპლანტით, ეს ზემოქმედება გაცილებით მნიშვნელოვანია. ასეთ პირობებში, იმ პაციენტებსაც კი, რომლებსაც კარგად ესმით სასმენი აპარატებით და კოხლეარული იმპლანტით, მხოლოდ აუდიო-ვიზუალურად შეუძლიათ გაიგონ მეტყველება.

განსაკუთრებით ძლიერად ერღვევათ მეტყველების აღქმა ასეთ პირობებში ბავშვებს. ზრდასრული ადამიანმა, თუკი ბოლომდე ვერ მოისმენს სიტყვებს ან წინადადებებს, შესაძლოა გამოიცნოს მისი დაუსრულებელი ნაწილი მის მეხსიერებაში შენახულ ინფორმაციაზე დაყრდნობით. ბავშვს არ შეუძლია ამის გაკეთება, თუკი ეს სიტყვა მის მეხსიერებაში არ არის. რაც უფრო პატარაა ბავშვი მით უფრო, რაც  მეტია სმენის დაქვეითება და ნაკლებია სმენის გამოცდილება, მით უფრო ნაკლებია მის მეხსიერებაში ინფორმაცია სიტყვებზე, რომლებიც აუცილებელია სიტყვების ცნობისთვის მათი ცალკეული ნაწილების მიხედვით. ამიტომაც, იმისთვის, რომ ბავშვმა იცნოს სიტყვა, ძალიან კარგად უნდა გაიგოს ის.

FM – სისტემები

მეტყველების აღქმის პრობლემების გადასაწყვეტად ხმაურისა და მანძილის პირობებში სასმენი აპარატისა და კოხლეარული იმპლანტის მქონე ბავშვებთან, უკანასკნელ წლებში უფრო და უფრო მეტად გამოიყენება FM – სისტემები (FREQUENCY MODULATION). ადრე მსგავს სისმეტებს ეძახდნენ „მასწავლებელი – მოსწავლე“ სისტემას.

სისტემა შედგება ორი ნაწილისაგან:

1. FM – გადამცემი. შეიცავს მცირე რადიოგადამცემს (ჯიბის სასმენი აპარატის ზომის)
2. FM – მიმღები. შეიცავს FM-სიგნალების მიმღებს.

რადიოგადამცემი მოსაუბრის ხმას რადიოსიგნალის სახით გადასცემს სასმენ აპარატთნ ან კოხლეარულ იმპლანტთან მიერთებულ რადიომიმღებს. ამრიგად, მოსაუბრის ხმა პირდაპირ აპარატს გადაეცემა გარემომცველი ხმაურების გარეშე.

არსებოს ორი ძირითადი ტიპის FM-სისტემები – ინდივიდუალური და ჯგუფური მოხმარების. ჯგუფური FM-სისტემები გამოიყენება სკოლებშ, საბავშვო ბაღებში (რადიოკლასები).

FM-სისტემები განსაკუთრებით მნიშვნელოვანია სკოლის/ბაღის აღსაზრდელებისთვის.