ძილი 4 სტადიისგან შედგება და ამ ციკლს ღამეში 4-6 ჯერ გავდივართ.

სიზმრის ნახვა ჩაძინებიდან 90 წუთში შეგიძლიათ, REM ძილის სტადიაზე.

👶 ჩვილებს სძინავთ 16 საათი და აქედან 50% REM ძილი იკავებს.
👱 ახალგაზრდებს 7-8 საათი – 20% REM ძილი
👩‍🦳 50 წლის ზემოთ 6 საათი- 20% REM ძილი
⏰ თითოეულ ციკლში ღრმა ძილის დრო მცირდება, ხოლო REM ძილზე დახარჯული დრო კი იზრდება.
🌙 ბოლო ციკლში უკვე თითქმის 1 სთ-ს ვუთმობთ REM ძილს.

ძილს აქვს აღმდგენითი ფუნქცია და მის გარეშე ბავშვები არიან :

📍 გაღიზიანებულები;
📍 უჭირთ ყურადღების კონცენტრაცია;
📍 ნაკლებად მიჰყვებიან ინსტრუქციებს;
📍 ნაკლებია აკადემიურ აქტივობებში ეფექტურად ჩართულობის ხარისხი;
📍 მიდრეკილები არიან დეპრესიისკენ;
📍 ჩნდება პრობლემები მშობლებსა და ოჯახის სხვა წევრებს შორის.
რას ნიშნავს კარგი ძილი 👇
სრულფასოვანი ძილისთვის მნიშვნელოვანია მოწესრიგებული გარემო
👇 რა უნდა გავითვალისწიოთ:
📍 ბავშვი ყოველთვის უნდა იძინებდეს ერთსადაიმავე ადგილას;
📍 ოთახი, სადაც ის დაიძინებს, უნდა იყოს რაც შეიძლება კომფორტული, მშვიდი, ჩაბნელებული. თუ ბავშვს ეშინია სიბნელის, შეგვიძლია დავამატოთ ღამის დაბალი განათება. ზედმეტი სინათლის შემთხვევაში უმჯობესია დავამატოთ ღამის ფარდები;
📍 მნიშვნელოვანია გავაკონტროლოთ ოთახის ტემპერატურაც. არ უნდა იყოს არც ძალიან თბილი და არც ცივი. ოთახი უნდა გავანიავოთ;
📍 აუცილებელია ოთახში არ იყოს: ტელევიზორი, ტელეფონი , აიპედი და სხვა მსგავსი სახის ტექნიკა ჩართული, რამაც შესაძლოა მშვიდად ჩაძინებაში ხელი შეუშალოს ბავშვს;
📍 ბავშვის ლოგინი და საღამურები უნდა იყოს კომფორტული;
📍 ოთახში იყოს სიწყნარე მთელი ღამის განმავლობაში.✅ უმჯობესია თუ:
📍 დაძინებამდე ერთი საათით ადრე ბავშვებს მოვარიდებთ აქტიურ თამაშებს, ბრძოლის შემცველ ისტორიებს, ფილმებსა და სატელევიზიო გადაცემებს;
📍 მსუბუქი წახემსება და სითხეების მიღება დაძინებამდე დაახლოებით ერთი საათით ადრე მოხდება;
📍 სასმელი/საკვები, რომლიც შეიცავს სტიმულატორებს, მაგ: კოკა-კოლას, ჩაის, შოკოლადს, ბავშვები დაძინებამდე 6 საათით ადრე მიიღებენ.
ზრდის ჰორმონი მხოლოდ ძილის დროს გამოიყოფა
💫 როცა ძილის დრო დგება, აგრძნობინეთ თქვენს ბავშვს, რომ მის სამყაროში ყველაფერი კარგად არის.
🎯 მიზნის მიღწევაში რამდენიმე რჩევა დაგეხმარებათ:
✅ დაამშვიდეთ მისი ტვინი ძილის წინ – შექმენით ერთი და იმავე ძილის წინა რუტინა – განახორციელეთ ერთი და იმავე დროს იდენტური პროცესი ყოველ დღე.
✅ თავადაც მშვიდად იყავით – თუკი რთული დღე გქონდათ და დამშვიდება გიჭირთ ნაზი, ჩუმი და დამამშვიდებელი ხმა გამოიყენეთ ბავშვთან. ეს დამაჯარებელ გავლენას მოახდენს პატარაზე და ისიც სიმშვიდით გიპასუხებთ.
✅ მიიხუტეთ ან წაუკითხეთ ზღაპარი – თქვენთან ფიზიკური კონტაქტი ბავშვის ტვინში ოქსიტოცინს ააქტიურებს და ძილს ჰგვრის.
✅ შეეცადეთ შექმნათ ჯადოსნური გარემო – ოთახი მბჟუტავი განათებით გაანათეთ – სიბნელე მელატონინის გამოყოფას ააქტიურებს, თუმცა თუ ბავშვს სიბნელის ეშინია, დატოვეთ დაბალი შუქი და დაამშვიდეთ ბავშვი თქვენი ფიზიკური კონტაქტით.
👇 გაეცანით 2 წლამდე ბავშვის ძილის ხანგრძლივობას
ბავშვის მარტო დაძინებისას ნუ გამოიყენებთ ისეთ მეთოდს როგორიცაა ,,იტირებს და მიეჩვევა”.
🌑 ღამით თქვენთან განშორებასა და ბნელ ოთახში მარტო დარჩენაზე ფიქრი ბავშვში უკიდურეს შფოთვას შეიძლება იწვევდეს.
💫 გახსოვდეთ, ბავშვებს თავისით დამშვიდება ნაკლებად შეუძლიათ. განწირული ტირილის შემდეგ დაძინება იმას ნიშნავს, რომ მას შეიძლება ღამეში რამდენჯერმე გაეღვიძოს – როგორც მოზრდილებს ემართებათ, როცა განერვიულებულები იძინებენ.
✅ თუ ბავშვს თქვენზე ,,მოწებება” სჭირდება რათა დაიძინოს, მიეცით მას ამის საშუალება. ის მაშინ გეკვრით, როცა თავს დაუცველად გრძნობს. თქვენთან სხეულით კონტაქტი კი მას ბუნებრივად უმცირებს სტრესის ნივთიერებების დონეს.
✅ მიეცით ნივთი, რომელსაც თქვენი სუნი ასდის, მაგალითად თქვენი სამოსი.
✅ შექმენით ოთახში მყუდროება.
✅ ეფექტურია ძილის წინა მასაჟი, სათამაშოები და წახალისება.
👇 გაეცანით 8 წლამდე ბავშვის ძილის ხანგრძლივობას