ადრეული ჩარევა

ადრეული ჩარევა საგანამანათლებლო და/ან თერაპიული პროგრამებს განეკუთვნება, რომელიც 0-დან 3 წლამდე ასაკის სმენადაზიანებული ბავშვებისთვის და მათი ოჯახებისთვისაა შემუშავებული. რაც უფრო ადრე მიიღებს ბავშვი მას, მით უფრო მეტი დრო იქნება დადებითი საგანმანათლებლო შედეგებისთვის. ეს ტერმინი ასევე გამოიყენება სპეციალისტების მიერ, რომლებიც სმენადაზიანებულ ბავშვებთან მუშაობენ. როგორც წესი, ბავშვის ტვინი იმგვარადაა მომართული, რომ ძირითადი ენობრივ უნარებს პირველი 6 წლის განმავლობაში ივითარებს, აქედან პირველი 3 წელი ყველაზე მნიშვნელოვანია. 6 წლის ზემოთ ადამიანის ტვინისთვის უფრო და უფრო რთულია სამეტყველო და ენობრივი უნარების განვითარება. სმენის დაზიანების ნებისმიერმა ხარისხმა შეიძლება პრობლემები გამოიწვიოს, განსაკუთრებით საგანამანათლებლო სფეროში. ამიტომ, ოჯახებმა, რომელთაც სურთ რომ ბავშვს მეტყველება ასწავლონ, უნდა აღიარონ რომ მათ შვილს დასჭირდება გარკვეული საგანმანათლებლო და აბილიტაციური ჩარევა. მათ ზომები სმენასთან დაკავშირებული ეჭვის გაჩენისთნავე უნდა მიიღონ. რაც უფრო ადრეული იქნება ჩარევა, მით უფრო ნაკლები ძვირფასი დრო დაიკარგება 6 წლამდე. დაიწყეთ შემდეგი ნაბიჯებით: მოძებნეთ მშობლები, რომელთაც სმენადაზიანებული ბავშვები ჰყავთ და მათი აღზრდის გამოცდილება აქვთ, მათ შეუძლიათ გამოცდილება გაგიზიარონ; ეს გაგიადვილებთ საკუთარი არჩევანის გაკეთებას; იკითხეთ, გაიცანით სმენადაზიანებულ ბავშვებთან კომუნიკაცის სხვადასხვა ვარიანტები.